عمادة الطفلين طوني وميراي بشارة
مِيرَايْ.. طوني زَهرْتَيْن زْغارْ
مِتْلُنْ ما عنّا زَهْر إنْسانِي
مِنْ طَلِّتُنْ بَدْر السّما بِيغارْ
وْبِتْصيرْ عَيْن الشّمْس رِمْدَانِه
طفْلَيْن.. لَمّا تْقَبّلوا الأَسْرارْ
غَطَّى الفَرَحْ قَلْب الْمِعِمْدانِي
حِمْل الْجُرنْ.. عَمَّد بِـ مَيّ وْنارْ
وْرَنْدَحْ بِـ صَوْتُو لَحْن سِرْيانِي
وْجُورجْ بَيُّنْ.. جِرْجِس الْجَبّارْ
جَبْلُن التّنّين حِلْوانِه
وْأمُّن مَهَى.. قَطْفِتْ فَرَحْها غْمَارْ
وِالْوِجّ يِنقُفْ نور ربّانِي
هَوْدِي (بْشَارَه).. قالِت الأَطْيارْ
وْكِرْمالْ عَيْنُنْ غَنِّتْ غْنَانِي
جِدُّن (مَلَكْ) وِالْمَمْلَكِه أَقْمارْ
وْمارْ يوسِفْ.. جِدُّنْ التَّاني
وْسِتّنْ (بَدِرْ).. هِدْيِتْ الدّنْيِي بْدَارْ
وْسِتّن (رِينِيه).. بِالطُّهْر خِلْقانِه
طفْلَيْن مِنْ لُبْنان.. مَهْما صارْ
الْـ بيكون شِلْشُو مِن تْراب الأرْز
كِيفْ ما بَرَم بيضَلّ لُبْناني
**
