عْمادِه حِلْوِه كْتِيرْ كْتَيرْ
عُصْفُورْ.. وْحَدُّو عْصَافِيرْ
نَاصِيف بْزَيْت الْمَيْرُونْ
ضَوَّى مِتْل مْلاك زْغِيرْ
ضِحِكْتُو.. زَهْر الزَّيْتُونْ
وْنِحْنا لْهَـ الضِّحْكِه نْوَاطِيرْ
كِلْ ما بْحضْن "الأرزِه" يْكُونْ
بِتْقِلُّو: إِنْت الأَمِيرْ
قَبْلَكْ شُو بْيِسْوَى هَارُون؟!
وْبَعْدَكْ ما بْيِتْلاقَى زِيرْ!
وْإيلي.. لِعْيُونُو مَرْهُونْ
عَ إِسمْ جِدُّو الِكْبِيرْ
قَلُّو: عْيُونَكْ أَحْلَى عْيُونْ
يا إِبْنِي.. يا جِسْر الْبَيْت
أَجْمَلْ مِنَّكْ صَعْب يْصِيرْ
**
